ملتان ۔13 اکتوبر (اے پی پی)پورے ملک وانگوں ملتان سمیت پورے جنوبی پنجاب اچ یوم عاشور عقیدت تے احترام نال منایا گیا ۔ویں موقع تے ملتان شہر سمیت پورے ضلع اچ علم تے ذوالجناح دے تعزیے تے جلوس بر آمد کیتے جیرھے جو اپنڑے روایتی رستے توں تھیندے ہوئیںمقررہ جاہ تے ونج تے مک ے ۔ایں موقع تے سیکورٹی دے سخت انتظامات کیتے گے ہن ،پولیس رینجرز ات?? ایلیف فورس سمیت مختلف اہلکار جلوس دے نال رہیے ۔پورے ضلع اچ کہیں وی نا خوشگوار واقعے دی اطلاع کائنی ملی ۔ضلع ملتان اچ 134مجلس عزا منعقد تھیاں جیں اچ ذاکرین تے علما کرام فلسفہ شہادت تے روشنی پاتی ات?? حضرت امام حسین ات?? انہاں دے جانثاراں کوں خراج عقیدت پیش کیتا ۔38مجلساں کوں حساس قرار ڈتا گیا ہا ۔یوم عاشور تے مجموعی طور تے 117جلوس کڈھیے گے جیں اچ 89جلوس لائسنسی ات?? 28جلوس روایتی ہن ۔ملتان اچ ساریں توں وڈا جلوس استاد شاگرد دے تاریخی تعزیں دی قیادت اچ بر آمد تھیا ۔چوک حرم گیت تے تعزیں دااجتماع تھیا جیں دے بعد شاگرد دا تعزیہ واپس اپن??ے آستانے دے پاسے چلیا گیا جڈاں جو باقی جلوس مقررہ روٹ دے پاسے روانہ تھی گے ۔ایں ط??ح گھنٹہ گھر اچ وی مختلف ماتمی جلوس جمع تھئے جتھاں عزداراں نماز ظہرین ادا کیتی،تعزیے دے جلوس اہل سنت ولوں وی کڈھیے گے جیں اچ استاد والا تعزیہ شاگردوالا ،رمضان والا،بکو خان والا،بھیڈی پوتراں،گیلانی والا،لودھی والا،سلیم الدین والا،رشید والا ات?? احمد بخش والا قابل ذکر ہن۔انہاں اچ بیشتر تعزیئے دربار پاک مائی تے اختتام پذیرتھے ۔اہل تشیع ولوں برآمدتھیونڑ آلے 36تعزیں دے جلوس کربلا شاہ شمس تے ونج تے مک گے۔اے جلوس آستانہ لعل شاہ،ناصرہ آباد،امام بارگاہ جوادیہ،حویلی مر ید شاہ،سورج میانی،شیرشاہ،حسین آباد،آستانہ کوڑے شاہ،تھلہ سادات،لال کرتی،کمنگراں والا،کالے منڈی ات?? بیاں جہیں توں بر آمد تھئے ایں موقع تے عزاداراں حسین سینہ کوبی کیتی ات?? زنجیراں نال ماتم کیتا۔چوک دولت گیٹ اچ تلواراں دا ماتم کیتا گیا ۔ایں موقع تے ریسکیو 1122،محکمہ صحت ات?? سول ڈیفنس ولوں مختلف جہیں تے طبی کیمپ وی لاتے گے ہن ۔میپکو ،واسا ات?? بئے اداریں دے اہلکار وی موجود ہن۔جلوس دے سارے رستیں کوں سیل کرڈتا گیا ہا ات?? سیکورٹی اہلکاراں دی ودھ ساری نفری وی موجود رہی ۔بغیر شناختی کارڈ اتء بغیر تلاشی دے کہیں کوں جلوس اچ رل ونجنڑ دی اجازت کائناں ہئی ماتمی جلوساں تے مجلساں دی سیکورٹی تے امن و امان دی صورت حال کوں برقرار رکھنڑ سانگے ضلع ملتان دے کل 4500پولیس افسراں تے اہلکار سیکورٹی تے ڈیوٹی ڈ??ی جیں اچ 6انسپکٹر ،94سب انسپکٹر ،121اسسٹنٹ سب انسپکٹرز ،45ہیڈ کانسٹیبل ات?? 1420کانسٹیبل موجود ہن ۔ماتمی جلوس تے چھیکڑ تے مختلف امام بار گاہواں اچ شام غریباں دی مجلساں تھیاں ۔
