اسلام آباد۔3جون (اے پی پی) پاکستان اچ چین دے سفیر جیانگ زیدونگ آکھیا ??و پاکستان اتے چین دی قیادت دی رہنمائی اتے ݙوہیں ملکاں دی عوام دی حݨایت نال وز??راعظم محمد شہبازشریف دا دورہ چین ݙوپاسہ تعلقات اچ سنگ میل ثابت تھیسی، سی پیک دے ݙوجھے مرحلے دے تحت طے تھیوݨ آلے اہم اتفاق رائے کوں عملہ جامہ پویسوں۔ ݙوہیں ملک صنعت، زراعت، کان کنی، توانائی، انفارمیشن ٹیکنالوجی اتے ٻئے شعبیاں اچ تعاون کوں ودھیسوں۔ اے ڳالھیں انہاں وز??راعظم دے پںج ݙینھ دے دورہ چین توں پہلے ”اے پی پی” کوں انٹرویو ݙیندیں ہوئیں آکھی۔ وز??راعظم شہبازشریف 4 توں 8 جون تئیں چین دا سرکاری دورہ وز??راعظم لی کیانگ دی دعوت تے کریسن۔ ایں سال وزارت عظمیٰ دا منصب سنبھالݨ دے بعد اے انہاں دا چین دا پہلا دورہ ہوسی۔ چین دے سفیر آکھیا جو چین ایں دورے نال پاکستان نال کم کرݨ کیتے پرعزم اے۔ انہاں دورے دے ایجنڈے دا ذکر کریندیں ہوئیں آکھیا جو وز??راعظم محمد شہباز شریف چین دے صدر شی جن پنگ، وز??ر اعظم لی کیانگ اتے نیشنل پیپلز کانگ??یس دی سٹینڈنگ کمیٹی دے چیئرمین ژا لیجی نال ملاقات اتے ڳالھ مہاڑ کریسن۔ سی پیک بارے انہاں آکھیا جو تاریخی بی آر آئی منصوبے نال مجموعی طور 25 ارب 40 کروڑ ڈالر دی براہ راست سرمایہ کاری، 236000 ملازمتاں، 510 کلومیٹر ہائی ویز، 8 ہزار میگاواٹ توں ودھ بجلی اتے 886 کلومیٹر کور ٹرانسمیشن نیٹ ورک وچھایا ڳئے جئیں نال پاکستان دی معاشی اتے سماجی ترقی مضبوط تھیسی۔
