اسلام آباد۔17اپریل(اے پی پی) الیکشن کمیشن آف پ??کس??ان دے ھک اعلیٰ سطحی وفد چیف الیکشن کمشنر سکندر سلطان راجہ ??ی قیادت اچ الیکٹرانک ووٹنگ مشین (ای وی ایم) دے معائنہ اتے انتخابی مرحلے اچ ایندے استعمال دے امکان و ممکنات دا جائزہ گھنݨ سانڳے برازیل دا دورہ کیتے۔ ترجمان الیکشن کمیشن دی طرفوں جاری بیان موجب واضح رہے جو ایں ویلھے دنیا دے کئی ملکاں اچ انتخابی مرحلے اچ ای وی ایم دا جزوی طور تے استعمال کریندے پئن جݙاں جو برازیل اتے بھارت ݙو ایجھے ملک ہن جتھاں ای وی ایم دا استعمال ملکی سطح تے کیتا ویندا پئے ۔ایں حقیقت کوں سامݨے رکھیندے ہوئیں برازیل دا انتخابی نظام دنیا دے بہترین تے ٹیکنالوجی دے اعتبار نال جدید ترین نظاماں اچ شمار تھیندے ۔ الیکشن کمیشن دے اعلیٰ سطحی وفد برازیل دا دورہ کرݨ دا فیصلہ کیتے ترائے ݙینھ دے دورے اچ پ??کس??انی وفد ??ی قیادت چیف الیکشن کمشنرسکندر سلطان راجہ کیتی جݙاں جو وفد اچ صوبائی الیکشن کمشنر (پنجاب) اعجاز انور چوہان، ڈائریکٹر جنرل (انفارمیشن ٹیکنالوجی) محمد خضر عزیز اتے ڈائریکٹر ندیم زبیر شامل ہن۔پ??کس??انی وفد دورے تے برازیل اچ الیکشن دے انتظام و انصرام دے ذمہ دار ادارے “ٹربیونل سپ??رئر الیکٹورل (ٹی ایس ای)” دے مختلف شعبیں دے سربراہان نال فیدہ مند ، بامقصد اتے تعمیری ملاقاتاں کیتن ۔ اے ملاقاتاں انفرادی طور تے ٹی ایس ای دے سیکرٹری کمیونی کیشن اتے ملٹی میڈیا، سیکرٹری انفارمیشن ٹیکنالوجی اتے شناختی انتظامی شعبےدے سربراہ نال تھئن ۔انھاں ملاقاتاں اچ برازیلین الیکشن حکام پ??کس??انی وفد کوں برازیل اچ مروجہ و مستعمل انتخابی نظام، ایندے مختلف مرحلے تے ایندے اچ الیکٹرانک ووٹنگ مشین (ای وی ایم) دے استعمال تے تفصیلی بریفنگز ݙتن۔
