صدر مملکت ڈاکٹر عارف علوی دی بینکنگ محتسب دا فیصلہ برقراررکھیندے ہوئیں سلک بینک کوں بینک فراڈ توں متاثرہ شخص کوں منافع دے نال 2 لکھ روپے واپس کرݨ دی ہدایت

اسلام آباد۔16اکتوبر(اے پی پی):صدر مملکت ڈاکٹر عارف علوی بینکنگ محتسب دا فیصلہ برقراررکھیندے ہوئیں سلک بینک کوں بینک فراڈ توں متاثرہ شخص کوں منافع دے نال 2 لکھ روپے واپس کرݨ دی ہدایت کیتی اے ۔ اتوار کوں ایوان صدر دے پریس ونگ توں جاری بیان موجب صدر مملکت بینکنگ محتسب دا فیصلہ برقرار رکھیا تے سلک بینک دی اپیل مسترد کرݙتی، صدر مملک?? آپݨے فیصلے اچ آکھیے جو بینک دی مذکورہ برانچ اچ ایماندار عہدیدار دی تقرری اچ ناکامی اتے ناجائز طور تےمنافع روک تے بینک بدانتظامی دا مرتکب تھئے ۔ ملتان دے ھک شہری محمد شفیق (شکایت کنندہ) بینک اچ ٹرم ڈپازٹ رسید اچ 2 لکھ روپے دی سرمایہ کاری کیتی ، صارف کوں صرف چھی مہینے مناف?? ݙتا ڳئے ، بعد اچ ݙسایا ڳئے جو ایندی رسید نقلی اے اینکوں سابق برانچ آپریشنز مینیجر دھوکہ ݙتے۔ صدر آکھیے جو شکایت کنندہ بینک دے نش??ن ، سابق برانچ آپریشنز مینیجر دے دستخط نال رسید پیش کیتی ، بینک اپݨے ملازم دی طرفوں بینک دی اسٹیشنری تے دستخط شدہ کہیں وی دستاویز دا ذمہ وار اے ۔