بیجنگ ۔ 14 مئی (اے پی پی) وزیر اعظم محمد نوا زشریف آکھے جو ون بیلٹ ون روڈ دے تحت چین پاکستان اقتصادی راہداری دا منصوبہ خطے دے سارے ملکاں کیتے کھلا ہے اتے ایں کوںسیا ست دی نذر نہیں کرنڑاں چاہیدا۔ ایں منصوبے دی کئی وی جغرافیائی سرحدکائنی ، اختلافات کوں ہک پاسے رکھ تے گالھ مہاڑ اتے سفارتکاری دے ذریعے تنازعات کوں حل کرنڑ اتے آونڑآلیاں نسلاں کیتے امن دی میراث چھوڑنڑ دا ویلہ آگئے ۔ ون بیلٹ ون روڈ اقدام دہشت گر??ی اتے انتہا پسندی کوں مکاونڑکیتے ہک طاقتور ہتھیار دے طور تے جانڑیا ویسی ۔ او اتوارکوں اتھاں چین دے دارالحکومت بیجنگ اچ بیلٹ اینڈ روڈ فو??م دے اعلیٰ سطح دے مذاکرے دے افتتاحی سیشن نال خطاب کریندے پئے ہن جیندا موضوع تعاون برائے عمومی خوشحالی ہے۔ وزیر اعظم محمد نواز شریف واضح طور تے آکھے جو سی پیک منصوبے اچ خطے دے سارے ملک شامل تھی سگدے ہن ، ایں منصوبے کوں سیاست توں دور رکھیاونجے ۔ وزیراعظم دعوت ڈتی جو آپسی اختلافات کوں ہک پاسے رکھ تے پر امن مربوط اتے ہک بئے دا خیا ل رکھنڑآلے ہمسائیاں آلی کار راہوں ۔ انہاں آکھیا جو اے وقت ہے جو اساں آپنڑیں اختلافات کوںہک پاسے رکھ تے گالھ مہاڑ اتے سفارتکاری دے ذریعے تنازعات کوں حل کروں اتے آونڑ آلیاں نسلاںکیتے امن دی میراث چھوڑوں۔ وزیر اعظم آکھیا جو امن اتے ترقی رل مل تے چلنڑ نال ہی ممکن ہے اتے کئی وی اقتصادی ترقی دے اہداف علاقائی تعاون دے بغیر حاصل کائنی کر سگدا، اتے نہ ہی امن و سلامتی دی راہ ہموار کرسگدے ۔ وزیر اعظم آکھیا جوون بیلٹ ون روڈ دی اہمیت اوںویلے بئی نمایاں تھی سگدی ہے جڈاں جیو اکنامکس کوں جیوپولیٹکس اچ وٹاونڑدی روایت قائم تھیوے اتے تنازعات دا مرکز تعاون اچ بدلنڑاں چاہیدے ۔ وزیراعظم آکھیا جو ون بیلٹ ون روڈدہشت گر??ی اتے انتہا پسندی کوں مکاونڑکیتے ہک طاقتور ہتھیار دے طورتے جانڑیا ویسی ، اے منصوبہ براعظماں کوں ملاڈیسی اتے ایندے نال برداشت دے نال نال ثقافتی ودھار وی تھیسی ۔ وزیر اعظم آکھیا جو سی پیک ون بیلٹ ون روڈ اقدام دا اہم منصوبہ ہے اتے ایندے نال مشرق اتے مغربی ایشیاءدے ہمسائے آپس اچ ہک بئے نال مِل ویسن ۔ سی پیک منصوبہ پاکستان کوں بین العلاقائی سرمایہ کاری اتے تجارت دا مرکز بنڑاڈیسی ۔ چین اتے پاکستان وچال قریبی دوستی اتے بااعتماد اتحادی ہونڑدا حوالہ ڈیندے ہوئیں وزیر اعظم نواز شریف آکھے جو انہاں دی ایں فو??م اچ شرکت ون بیلٹ ون روڈ دے اقدام دی کامیابی دی خوشی کوں مناونڑاں اتے ایندے کیتے آپنڑیں عزم دا اعادہ کرنڑاں ہے ۔ انہاں اطمینان ظاہر کیتے جو اے تاریخی ایونٹ اقتصادی اتے مالیاتی تعاون، تجارتی تعاون اتے عوامی سطح اُتے رابطیاں کیتے سالیں دی رہ گزر ہوسی ۔ انہاں چین دے صدر ژی جن پنگ اتے چینی قیادت کوں انہاں دی ولولہ انگیز اتے تخلیقی قیادت کوں شاندار الفاظ اچ خراج تحسین پیش کریندے ہوئیں آکھیا جو پاکستان چین دے ایں تصور دی تعریف کریندے اتے ایں راہداری کوں پورے خطے کیتے ترقی دا راستہ سمجھدے ۔ وزیر اعظم محمد نواز شریف آکھیا جو ون بیلٹ ون روڈ نال ایشیاء،افریقہ اتے یورپ سمیت دنیا دی ادھی آبادی ، ادھے وسائل 65ملکاں نال جڑیے ہوونڑ دے نال نال دنیا دے وڈے سرمایہ کار آپنڑیں وسائل ایندے اچ لا سگسن ۔ انہاں آکھیا جو چینی صدر دا اے اقدام ون ون سانجھے داری کوں ہر ہک کیتے ممکن بنڑاڈیسی اتے ایندے نال ترقی پذیر ملکاں اچ اقتصادی ترقی دی رفتار تیز تھیسی ۔ تجارت اتے اقتصادی رابطیاں دی راہ اچ آونڑآلیاں رکاوٹاں دور تھیسن ۔ ایں منصوبے نال اساں جیو اقتصادی انقلاب دیاں بلندیاںاُتے ہوسوں ، اتے اے تریخ اچ اقتصادی سانجھے داری اتے سرمایہ کاری دی اعلیٰ مثال ہوسی ۔ انہاں آکھیا جو بین البر اعظمی تعاون کیتے حقیقت اچ اے ہک نویں دور دی سویل دے مترادف ہوسی ،میکوں ہے جو ون بیلٹ ون روڈ منصوبے نال آمدن اچ ودھارا ، بہتر تعلیم اتے صحت دیاںسہولتاں مل سگسن ۔ ایندے نال غربت کوں مکاونڑ اتے پائیدار ترقی دے اہداف حاصل تھیسن اتے کئی وی پچھوں کائناں راہسی ۔ وزیر اعظم شرکاءاُتے زور ڈتا جو او سیاسی عزم اتے بھرپور طاقت نال ایں منصوبے اُتے عملدرآمد یقینی بنڑیسن ۔
.jpg)